Den Kotapedia til drumbaf, Kotavafamik !

Kotapedia tir bitonaf abdumimaks dadis is atoes va kot ravlem ik kotavolk, is loon jadion kota avaca icde Kotava. Kota webera va bata eravanya batenide tir drumbaca. Kotaf winugaf ravlemeem ixam omavon tigir. Va bet teliz rotuvaral, tulon loplekuson va tentuks ik kalavaks ik ozwaks. Batenide opelon betal aze abdi tuenara va ken daskiks remdisukel. Ede va warzaf trogarn djuloplekul, pune mo ixam tigis iyelt va int zobel nume va dre is adraf luzeem tarkal.

Pomas bueem is favesikafu bu ke kotar webesik mu rin tid rodadinu. Dere robeem ke kotavusa doda. Goleteson dene Kotapedia, avacka tir Kotava voxe francavon ik espanavon ik englavon ledamon walpulvil. Mo jinafu favesikafu bu va kota bibera dere roplekul. Ostik, ede djumel, mo intafu favesikafu bu vode va int atoel ise va kotavafa stineka is konako dulapexo robazel ikz-.

Pokolet da pakeson va bata bitonafa erava mu varafa kotavusa doda puvegul. Den Kotapedia Avaxadola, til drumbaf !

— webmistusik 30/07/2015 19:34

Va wafra dem xekaf veyravlem stakseyena gan rin su koinké. Batliz vulegal : drageks_xeka. Pokolé da ina va rin katitir. — webmistusik 31/07/2015 23:52

Gu bendera is emudera va rin grewá. Is dere gu wafra. Ina tir plinapafa gu rupera is gildara. Va abiccoba fu loplekú, lameroklason. — kotavafamik 01/08/2015 08:15