Avapebura : Gedraf vuestes pulviropaf teliz :
{01/2009}, n° 013 : Suffixe -ú et Verbes de pratique : -ú radimosta is uraf gray [FR]- {01/2010}, n° 025 : Prépositioins à pluriel implicite : yaz dem koedjafa kontuca [FR]
- {01/2011}, n° 037 : Adjectifs de vêture en couleur : ukafa vagesorela [FR]
- {06/2013}, n° 066 : Verbes actanciels : dirgas grayeem [FR]
- {09/2014}, n° 081 : Verbes de multitude : grayeem vas otapa [FR]
- {09/2015}, n° 095 : Pronoms personnels et déterminants : ilkomaf yolt is tunoelaxa [FR]
- {01/2016}, n° 099 : Les verbes gestuels : zatcaf grayeem [FR]
- {09/2016}, n° 107 : Adverbes et pragmatiques considératifs : guzekas mugeeem is mugeoteem [FR]
- {03/2017}, n° 113 : Verbes de posture : wancaf grayeem [FR]
- {09/2017}, n° 121 : Numéraux et déterminants indéfinis : otuk is metentuna tunoelaxa [FR]
- {11/2017}, n° 123 : Le verbe arú et ses composés : arú gray is ponaks [FR]
- {12/2017}, n° 124 : Nombres cardinaux et conjonctions de liaison : yona tula isu remtrakura [FR]
…
FLIOTACA
Abdiwonaks
1-e luz : Avomaveem
2-e luz : Towarizvot va Kotava
Mamopaf bolk
1-e luz : Abava
2-e luz : Fabdura ba 2011
3-e luz : Bloskara
Suteraf bolk
1-e luz : Suteraptaceem
2-e luz : Remsutera va pilkayolt
3-e luz : Unera va eltayap
4-e luz : Unera va staaxa
Pulviropaf bolk
ABDIWONAKS
1-e Luz : AVOMAVEEM
Kotava sometir tuwavafa ava, battela sotir vegedunava dana kubla tir dem favluca wetce pomasa ava ta golera gu saneeem is ayaf arayeem. Ta tarkara isu abduaskira va rigaf nelkot ke geltrafa arayafa isu trakopafa mialoduca, Kotava al zo envar vey tanuskuca, ton « apriori » ovopaca, trabe, moekote, lirdeson va trogarneem bas meka ava rekefa mei darekefa voxe koton ganduson, is ton telyon loyavaf is gan tawuzik logrupen muxasaf pulviropaf envaks isu lofakaf gu rewara. Dere walbureson va rotowaraca is rovoneraca wetce riga, kapbure direkef usik va tela ava.
Numen Kotava dalon tir vegeduropaca is jadif nelkoteem is blif poopuleem skelanaf gu sapaf is rotiron fenkun bolk. Sinaf rigaf fimuk, tentus is dres va in, numon tiyid is tid is gozavzatad :
- Mialoduca :
- Tanuskuca :
- Kotikuca :
- Beluca is namuca :
- Opeluca is plaxuca :
- Kuluca :
- Rotowara :
Luxe avopafa is brubefa adalara, Kotava va batyona gijotafa adala tulon dir :
- Opelaf mamaf bolk dem aluboy kirn isu san-peroy rol nuyackon rotiyan.
- Abava bro Latino ava vox tulodrikana, a esafa staa.
- Ava dem aotcaf ord, nelkon licedasafa (ostaf bolk is yon ugal isu graycaveinda isu danteks isu ponaks) is pakavon wayasafa (ilkomafa etekara is mamanyara ke gotuxa is yona sorela isu trenda) is toleodon tuantasafa (yona graykerdela isu graywoyok isu graysodjey isu yaz isu zaeyatazuk). Betinde, kota pulviropaca tid ovopaca davon rotcalutena.
- Nyaxiskuca. Mek stravok icde usal.
- Ava dem jontik yaz : kota yoltafa oku ikayoltafa tuvaraxa sotir vey yaz. Mek yaz zo gorundar kaik tuvaraxa.
- Ravlemvura tir nuyapafa, kore gimbon tir nelkon dem D-A-G- (detce - ajegoda - gray) oku A-D-G- vura.
- Zolonuca ke megrayaf blayak isu slemaks num tel yoltaf iku sorelaf iku mugef.
- Tuardilara va grayafa pulviropa kare stravok dem grayewa.
- Adim, tugesiabliara va grayafa isu muxarafa pulviropa vey yon nelkotap, tulon orkuca is vuguca is tanpestuca is linvesuca is mevokuca is slemasikuca.
2-e Luz : TOWARIZVOT VA KOTAVA
1978 : Winugafa nazbalara ke Kotava
1983 : Taneafa jadifa fabdura
1993 : Toleafa jadifa fabdura
2008 : Fabdura va verta icde tukontara
2011 : Sulara va H eltay
Runion, mogorana da Kotava di gometir merobetana ava. Minafa ava gotowar, ise towar, vexon kare usik va ina is kare olegara is loa rabatena yazgara, vey dere adraf abditrakuraf pak. Bat envaks tir riga numen bata pulviropa zo gometorigir gu parmaf rigot vox gu sok ke ava bak lan gemelt, opelon.
Valey zolonafa evla miwayana lovaticemon, Kotava zo viunsur gan avafa neda yoltana gu Kotava Avaneda. Kotava Avaneda tandeon va int katanar tuenatason ik me va lan dragen oku bluen towaks.
MAMOPAF BOLK
1-e Luz : ABAVA
Abava ke Kotava sotir dem 24 eltay :
A, a Dayoltaks : a
B, b Dayoltaks : be
C, c Dayoltaks : ce
D, d Dayoltaks : de
E, e Dayoltaks : e
F, f Dayoltaks : fe
G, g Dayoltaks : ge
I, i Dayoltaks : i
J, j Dayoltaks : je
K, k Dayoltaks : ke
L, l Dayoltaks : le
M, m Dayoltaks : me
N, n Dayoltaks : ne
O, o Dayoltaks : o
P, p Dayoltaks : pe
R, r Dayoltaks : re
S, s Dayoltaks : se
T, t Dayoltaks : te
U, u Dayoltaks : u
V, v Dayoltaks : ve
W, w Dayoltaks : we
X, x Dayoltaks : xe
Y, y Dayoltaks : ye
Z, z Dayoltaks : ze
Mamopafa pilkovaca :
- We meviele tigir arte ravlem, vaxede, kason, ravlem tir pilkayolt. Kotavon, ine vas kirn sye gonabdifir.
- Ye kotavon gotigir drume vomif iku kaikif kirn, volvaley -any osta (bene zaeya dem artef rol). Volvaley dere pilkayolt, kason.
2-e Luz : FABDURA BA 2011
Mali redura is kali fabdura sokiyisa ba 2011, Kotava va loplekuf eltay koegiskiyir : h eltay (nhe). In tigiyir anton koe 3 tirka : kake le ik me ik ne. In zanudayar va pumara va sine. Meviele tigiyir rune ravlem mei arlize, volvaley pilkayolt. Fabdura ba 2011 va nhe al deokar, ikaplekuson va ye kottode. Daletoe, mea faver.
3-e Luz : BLOSKARA
Vexa ta bloskara kotavon tir tanafa is a vaxeaca, volvaley grayaf zaeyeem tadles va tane anulaf ilkom.
- Ewa tenuna kan rol zo gobloskar asankon ice ironokafa asanka.
Tulon :
tuvel (tuvel)
felay (felay)
sayakik (sayakik)
- Ewa tenuna kan kirn zo gobloskar asankon ice veyironokafa asanka.
Tulon :
blucte (blucte)
kando (kando)
feralia (feralia)
- Taneaf anulaf ilkom ke grayafa etekara, nek adalanaf gu artef kirn, zo gobloskad asankon ice ironokafa asanka, ta oltavuca kapbure ar etekan tazuk ke gray (adalan gu artef rol). Batdume tcala va bloska zo girewar.
Tulon :
jin estú (jin estú)
jin lusteyé (jin lusteyé)
SUTERAF BOLK
1-e Luz : SUTERAPTACEEM
Koe Kotava, 1 suteraptaca anton zo doster :
- tcala vane ticak (´), mevrebafa ; gubeon zo plekur mo artef kirn ke taneaf anulaf ilkom.
Ara suteraptaca (jontolafu u mei runtakorafa tcala mei ara tcalinda mkz-) me krulded koe Kotava. Anton pilkayolt va sina rokoegiskir.
2-e Luz : REMSUTERA VA PILKAYOLT
A : Pilkayolt suteyen kan abava bro Latino ava
Bat pilkyolt a atalera zo goremsuted, don kasafa suteraptaca mekruldesa koe Kotava.
Tulon :
Québec
Washington
A Coruña
Łódź
Århus
B : Pilkayolt suteyen kan abava bro Ellasava ik bro Rossiava
Bat pilkyolt zo goremsuted rontion kare tela logundafa tiyarinda, male xantafa ava.
Tulon :
Astraxan (Астрахань) [rossiavafa]
Moskva (Москва) [rossiavafa]
Kiyiv (Київ) [ukrainavafa]
Lenin (Ленин) [rossiavafa]
Atina (Αθήνα) [ellasavafa]
Dobritc (Добрич) [balgariavafa]
C : Pilkayolt suteyen kan ara abava
Walvedeyaf remsuteraf bolk zo rewar.
Tulon :
Iraq
Hiroshima
Mao Zedong
Beijing
3-e Luz : UNERA VA ELTAYAP
Kotavon, unera va eyeltap va tuzolonara va ravlem weber.
Va in gonovunet wetce runef eltay ke pilkayolt iku ava iku sane.
Kot blayak gonotozuwer vey eltayap.
4-e Luz : UNERA VA STAAXA
- blayaku ( . ) : Inu zanudar va tcalara va tena ke dakteraf blayak.
- biberastaa ( ? ) : Ina zanudar va tcalara va tena ke biberaf blayak.
- divierastaa ( ! ) : Ina zanudar va tcalara va tena ke divieraf blayak.
- djiarastaa ( ‼ ) : Ina sotir jontolafa divierastaa ise zanudar va tcalara va tena ke djias blayak.
- jonbaru ( … ) : Inu tir nonusa staaxa ise bazer da blayak non zo skur gemelton gu inu.
- staaxa dem u isu bripa ( ; ) : Ina zanudar va skura va rita lodabrotcifa dam tana vey bripa, koe blayak.
- bripa ( , ) : Ina zanudar va skura va ritama koe blayak.
- jontolu ( : ) : Koe blayak, inu bazer da wana di tir dribuks ok ozwaks ok diveks va abdifa draga.
- djinkeem ( « » ) : In zanudar va ozwara oke sugdalar da anambudeno muxadjo tir etrakkirafo ik ton meelimafa ravalduga.
- walzageem ( () ) : In zanudar va koplekura va tuvarasa cenkaxa.
- conyetama ( - ) : Ina zanudar va koplekura va waka ik dribusa wafraxa. Dere va tuliara zanudar (tulon : ikz- ika is kot zavzaks ).
- walbuxa ( ~ ) : Ina zanudar va walbura va gedrafa pebura icde debala, moekote koe waka.
